بسم الله الرحمن الرحيم
هبدء بحكاية صغيره
من اكتر الناس اللى كافحت معانا من اجل التغيير واتشرفت انه كان معايا يوم 25 المقدم محمد محفوظ
اللى هو دلوقتي فى ائتلاف ظباط الشرطة وبيحاولو يصلحو منظومة الشرطة
المقدم محمد محفوظ كان مسئول العلاقات العامة بمكتب مدير امن اسكندريه..وتم فصله من عمله في 2009 عشان رفع قضية
القضيه كانت للسماح لظباط الشرطه بالتصويت فى انتخابات الرئاسة..عارفين ليه اتفصل؟
عشان كانو شايفين ان الظابط لازم يبقى جزء من النظام
مينفعش الظابط يبقى ليه صوت او يصوت لأي مرشح
كون ان الشرطه مبيصوتوش فى الانتخابات ده بيرسخ جواهم انهم جزء من النظام
دورهم الدفاع عنه مش الدفاع عن الشعب
تفتكرو لو ظابط انتخب د-أيمن نور في 2005 كان هيدافع عن النظام
او يطارد واحد فى حزب او حركة بيطالب بالديمقراطية
سؤال كمان
هل لو تصويت الشرطه كان بيصب فى مصلحة النظام..كان مبارك وكلابه هيمنعوهم من التصويت طول فترة حكمه؟؟ ويفصلو اللى يطلب ذلك؟؟
معظم الدول الديمقراطيه في العالم الظباط ليهم حق التصويت عادي
اللى هو حق كفلة الدستور اصلا
لكن تم منع رجال الشرطة منه في قانون الحقوق السياسية
وده زي مقولت عشان يضمنو ان ولائهم للنظام وللرئيس فقط
طب هل كونهم يصوتو مش هياثر في مسار العملية الانتخابية
لا
لأن الشرطة بتأمن المقار فقط...الاشراف على الانتخابات من الهيئة القضائية
ورجال القضاء مالهمش حق التصويت
القرار كان تعديل قانون مباشرة الحقوق السياسية
والسماح بالتصويت لرجال الشرطة والجيش والمصريين بالخارج
ليه بقى الناس أغلبها مش عاجبها القرار
مش عارف
بس أعتقد عشان احنا بنكره الشرطه وشايفينهم ولاد كلب فلازم لو صوتو هيعملولنا كارثة
عشان كده معظمنا خد موقف سلبي من القرار من غير ميفكر كويس فيه
ده غير الهجوم الشنيع على شرف اللى احنا مشوفناش منه غير كل خير
ده غير الهجوم الشنيع على شرف اللى احنا مشوفناش منه غير كل خير
المقدم محمد محفوظ معاهم
لحد7-2009
المقدم محمد محفوظ معانا
في حزب الجبهة
يوم 7 اكتوبر 2010
................................................
تحديث
يا فرحة ما تمت...ممدوح شاهين لسه نافي الخبر على اون تي في
تحديث
يا فرحة ما تمت...ممدوح شاهين لسه نافي الخبر على اون تي في
