شيست ايه اللى انت جاى تقول عليه

الحمدلله خلصت الشيست

ايه؟؟

فى هذا اليوم التاريخى 13-10 وبعد 11 يوم فقط من بدء الدراسه

منهم يوم اجازه بتاعه 6 اكتوبر خلصت دراسه الامراض الصدريه

طب والنبى ازاى عايز يبقى عندك دكتور، بيفهم فى الامراض الصدريه كويس

وهو مدرسهاش غير ام عشر ايام بس

وكنا بناخد على دماغنا وبيعبو المعلومات فى راسنا كانهم بيعبو فى صفايح

املى يا بنى املى خلينا نخلص من الراوند ده وندخل ع اللى بعده

احيييييييه

والله يا جماعه انا استحاله اقدر اشخص مرض فى الشيست باللى درسته ده

كل معلوماتى عن الشيست هى اللى خدتها فى السنين اللى فاتت

اللى خدناه فى العشر ايام دول كان هبل متعبى فى ورق

والكتاب متفكرونيش بالكتاب

كتاب القسم اهبل جدا ومتفهمش منه اى حاجه تحس انه عايز كتاب للتفسير

احيه
عشر ايام وكمان منزلينلهم كتابين...على ايه يا نصه؟؟ مانا وانت عارفين اللى فيها!!

وامتحان اهبل ادينا امتحناه وانا قاعد مبسوط اهو وفاتح بوقى

يا مولاى كما خلقتنى

لو سمعت شيست مليون مره مش هعرف سيبيلانت من سونوروس وكله عند العرب كريبتيشانز

وانا احب انصح كل واحد من اصحابى

صحابى اللى فى الكليه ابشركم بعشر ايام سودا هتاخدوها ان شاء الله فى الصدريه

صحابى اللى ربنا رحمهم ومش فى الكليه

محدش يسالنى عن اى حاجه فى امراض الصدر عشان غالبا هيبقى نتيجة نصيحتى مش كويسه