يوم جديد قد اتى

على عنوان الاغنيه الشهيره لسيلين ديون هبدء اكتب

دى اول مره اكتب بايدى بوست للمدونه
لما عملت المدونه دى كانت فكرتى انى امشى على نهج المدونين وابدء اكتب اللى بشوفه واكتب رأيى فى كل حاجه بتحصل

بعدين ايامها كانت لسه بدايات الفيس بوك
وبرده كانت بدايه قلش الحكومه مع المدونين-رغم ان فيهم ناس تستاهل-بس عامه

اصبح الوضع انك تعبر عن رايك فى البلد دى جريمه
وكمان على مدونه يعنى معاهم دليل

المهم انى فضلت انى امشى مع الفيس بوك
ورايى يبان فى ستاتس او كومنت

ولا انه يبان فى بوست حلو كده اروح بيه المعتقل :D

a new day has come

الفتره دى انا حاسس فى امل
وحاسس انى بقالى رأى لازم اعبر عنه

ابتديت ابقى ناشط سياسيا بشكل كبير
وربنا يجعل كلامنا خفيف عليهم

استعدو بقى لزلزال البوستات اللى هتشوفوها هنا
عن البرادعى و6 ابريل والجمعيه الوطنيه

عن رايى فى كل حاجه

اراء فى الكوره انا زملكاوى على فكره :'(
وفى الطب وفى السينما وفى الموسيقى وفى كل حاجه

وياااااااااارب تعجبكو
ولو معجبتكوش مش لازم وانتو مال ابوكو :D

بس يارب اشوف تعليقاتكو على كلامى

الانتوخ

زمان .. و انا لسه حنين
وموتور دماغى بيلين
صدقت إنى مش بشتغلنى
وإن الطريق مفتوح وهين

تلاتين سنه طالع نازل
على كل سلم بتنازل
عن حاجه حلوه ف كيانى
لحد ما بنوا لى العازل

تلاتين سنه من عمرى الحى
عمر الأمانى وعمر الضى
راحوا ف عمايا
والجوع ورايا
خبوا الضحايا البُبـُع جى

على بطنى رابط حزاماتى..
مدايننى حتى الجزماتى..
بعت الكنب الاسطمبولى..
وعايشها فـُلى حلمبولى..
أنا وعيالى و مراتى

تلاتين سنه بمشى على السلك
و الوحش ساكن بيتى الملك
وحش ابن هرمه
دماغه صرمه
حاطط بيـ..انه ف بودرة تلك

أحش غيطى وازغط فيه
تخن قوى ومبقتش اكفيه
ده غير بقى جيش ألاضيشه
وبجيبله بيرته و حشيشه
وبت جارتى بتدفيه

عرررضنى لمواقف وحشه
وكمان قليط ابن الجحشه
ومن ضرايبى بيتشيك
وانا من قرايبه بتحيـّك
حوحو كده ومن غير فرشه

بيَّعنى أرضى و مفهومى
قلعنى فكرى وهدومى
مخى اتقفل فيلم على كليب
ولما يفتح يشرب كدب
ما انا أصلى أهبل من يومى

مسحوا لى من بـُقى اللأه
ظبطونى بين شخطه و زقه
والوحش زقلط بقى باشا
يفطر بدمى على بغاشه
وادعى له يعلى و يترقى

ما انا البعيد اللى استاهل
آخد خازوق كده ع الماهل
تلاتين سنه غارز بارز
مالوش منازع و مبارز
والشعب طيب على جاهل

وحياة حلاوة زنازينكم
والفقريار اللى حازنكم
أنا مش غبى وجبان وحمار
واستاهل الوحش الجبار
يهينـّى و يطلع دينكم ؟

ما تزعلوش قوى كده فيه إيه؟
ما قال بلاوى ما ردوا عليه
نحل وبركم
وكل عبوركم
وجاب خبركم عملتوا ايه ؟

أنا وانتوا و العُصبه السوده
حطاه بارومه و فسوده
لو كان فيه خير كان هل و بان
شرم برم حالى تعبان
عقده بشنيطه ومعقوده

يا أخ يا جميل يا مثقف
حتى انت برضه بتتأفأف
أفلا ترى الوحش ف دارنا
يا عم ركز و احضرنا
نعش احتضارنا بيتأيف

صناعه حتى الولاعه
بنجيبها م الصين يا جماعه
وتجاره أولها خساره
وزراعه بارت وإداره
ذمتها واسعه و متباعه

وسجون وقمع و معتقلات
وعيش مفيش لو تقدر هات
وطابور عواطليه وعزاب
عايشين ف غربه وف استغراب
ومقضينها كافتيريات

ملايين بقى فضائيه ونت
تشت ولا حاجه بتـنبت
ساكتين فشر دول شعب اللك
عاملين بشر قابلين العك
راجل وست وشب و بت

كلنا كده ف الهم سواء
من غير لماضه ولا استعلاء
عملنا م البحر طحينه
سبناه بيلعب ف الطينه
حدفنا بالفصحى بخراء

يا أيها الشعب المنفوخ..
يا ابو النفوخ الدربندوخ..
مش آن بقى تفوّق سِـنـّه..
لا ف الأثر ولا ف السُـنـّه..
تعيش غبى و تموت مفشوخ

مضمض عيونك بتاريخك
واقرى اللى كاتبينه شيوخك
ماتخافش م الوحش ده خيخه
كبير كبيرهم بطيخه
ليه تسيبه يلهط بطروخك

كفايه دوله هس و شيى
حماركو مش عاوز يمشى
وبكره يحرُن و يرفـّس
وتيجى تركب تتفعّص
حمار بقى و ما بيفهمشى

وانت اللى ربيته ف خوفك
لو طال هياكلك من جوفك
سيبه بقى و اركب مراجيح
بفلوسك اللى ف بنك الريح
وده يبقى آخر معروفك

مش لازم الجيل التالى..
أرجوك بقى تسيبوا عيالى..
يمكن يحبوا النيل و الأرض..
وفوق ترابها يصلوا الفرض..
إفهم بقى ياللى ف بالى

الشاعر-خميس عز العرب

الاغنيه من غناء فرقه بساطه

قرأت فيما قرأت

واحـــــة الغـــــروب

 

لوحه فنيه رائعه رسمها بهاء طاهر

احسن روايه عربيه لعام 2008

عجبنى جدا وصف التفاصيل وكمان اسلوب الحياه فى واحه سيوه

لكن كمعظم القراء معجبتنيش النهايه

عموما الروايه حلوه وتستاهل تتقرى

تقييمى الشخصى

8|10

  

حديث الصباح والمساء

مين فينا جاي مرساها مين رايح
لحظة ميلاد الفرح كان في حبيب رايح
يا ابو الروايح يا نرجس ماتجس وتر القدر
تلقي حكايات البشر فيها عبير العبر صادح

زي النهار الطفل لما ينفلت
من بين ايادي الضلمة ويشقشق
انا شوفت روح الحق لما اتسللت
صرخت و في وش الخرس انطق
ادي البشر اوراق فيها عبير العبر صـادح

بان في عيون العصر لما زغللت
الليل يجيها يحني ضهر السيل
انا شوفت روح الخطوة لما اتبرجلت
عكازها ماشي بالخطي علي فين

ادي البشر اوراق فيها عبير العبر صادح

---------------------

الصبح طفل برئ ومساه يبان تجاعيد
وفوق طريق الايام تجرى الحياه مشاوير
ونشوف ملامح الزمن متعاده فى المواليد
واحنا البشر كلنا اعمار ورق بيطير

دايرة تدور بالبشر وياّ الزمان بتفوت
دمعه على اللى مضى و دمعة فرح للجاى
يا حىّ طول مانت حىّ مسيره ييجى الدور
دى حكايه متكرّره من يوم ولادة الضىّ

الصبح طفل برئ ومساه يبان تجاعيد
وفوق طريق الايام تجرى الحياه مشاوير
ونشوف ملامح الزمن متعاده فى المواليد
واحنا البشر كلنا اعمار ورق بيطير

ياللىّ انت عايش حياة بص لها تلقاها
سبحة هنا و تنفرط بالعمر مانشوفهاش
ولا شئ يعطّر حياتنا يمد فى مداها
غير سيرة عاشت هنا اكتر صاحبها ما عاش

الاغنيتين من غناء انغام
كاتب الكلمات دي الشاعر : فؤاد حجاج
واللحن لـ : عمار الشريعي